CAGAYAN DE ORO CITY – Gipalawman pa kapolisan ang ilang imbestigasyon kabahin sa kamatayon sa aktibong barangay kagawad ug ang mismong suspek niini nga napatay usab sa duha ka mag-uuma nga mi-aparta sa ngilngig nga hitabo sa Dimayon,Nunungan,Lanao del Norte.
Kini human itahas sa Police Regional Office 10 ang pagkupot sa mas komprehensibong resulta sa imbestigasyon kon nganong mi-resulta sa dugu-ong hitabo tali sa biktima ug suspek sa miaging semana.
Unang giila sa Nunungan Municipal Police Station ang biktima nga si Rebucon Brgy Kagawad Otar Bada Alamada,may kapikas samtang ang mga samaron sila usab sila Malik Guindo,40 anyos ug B’ra Andam,50 anyos nga nagpuyo sa Barangay Dimayon.
Namahayag si PRO 10 spokesperson Police Maj. Joann Navarro nga subay sa pasiunang imbestigasyon,miduaw si Otar sa iyang kabanay sa Barangay Dimayon dihang kalit giilog sa suspek nga si Adam Mamorasa nga taga- Sultan Naga Dimaporo ang dala niini nga M-16 rifle ug gilayong gipaarak punting kaniya.
Gilayong patay ang maong konsehal tungod sa nahiaguman niini nga mga igo sa armas.
Apan mi-aparta sila Andam ug Malik diin giilog nila ang armas aron ipusil usab sa suspek.
Nahiagom sa daghang igo sa armas ang suspek rason sa ngingilg nga kamatayon niini.
Gisuta pa sa mga otoridad kon nganong nagkupot sa armas si Otar ug kon nganong gipatay kini sa suspek.
Narekober sa crime scene ang cartridge cases gikan sa caliber 5.56mm ug caliber 30mm sa crime scene.(Pictures: Mike Navarro).
