CAGAYAN DE ORO CITY – Patay ang sundalo ug sakop sa rebeldeng NPA sa engkuwentro sa tri-boundaries sa Lanao del Sur ug Bukidnon.
Gikompirmar ni 403rd IB commander Brig Gen Ferdinand Barandon Jr nga gika-engkuwentro sa ilang 1st Special Forces Batallion sa ikauhang higayon ang 30 ka NPA members gikan sa sub-regional committee 4 ug 5 sa North Central Mindanao Regional Committee sa maong mga lugar.
Gibutyag ni Barandon nga duha ka hugna nga dagkong engkuwentro ang natigayon hinungdang napatay sa ilang tropa ang rebelde apan napatyan usab sila sa sundalo ug tulo ang samaron.
Nabawian usab sa 10 ka klase-klaseng armas ang mga nakasibat nga mga rebelde.
Kini gilakipan sa M60 machine gun;tulo ka M-16 rifles;tag-duha ka M-14 ug M-14 rifles ug AK-47.Apil sa nakompiskar ang mga bala sa maon mga armas,tulo ka bandoliers;upat ka celphones,mga tambal,mga pagkaon,personal nga kagamitan ug daghan pang uban.
Sa pagkakaron,wala pa lung-i sa militar ang mga nakasibat nga mga rebelde.
