(Upate) CAGAYAN DE ORO CITY – Naka-kustodiya sa mini-cell ang wing van driver nunot sa kamatayon sa duha ka Maranao-Muslims tungod sa ngilngig nga aksidente sa Overview,Brgy Palacapao,Quezon,Bukidnon.
Giila ni Police Staff Sgt Jerry Nagac Jr, imbestigador sa Quezon Municipal Police Station ang mga namatay nga sila Bauti Pendorat Jaysier,26 anyos ug Muhammad Exan Bola,53 anyos nga pulos nagpuyo sa Lanao del Sur.
Sa imbestigasyon ni Nagac,pulos gikan sa Davao City ang duha ka sakyanan kay maghatod unta sa karneng manok padulong sa Marawi City.
Apan tungod sa palugsong nga kurbadang kalsada,kalit nawad-an sa preno ang freezer van nga gimaneho ni Solaiman Baco,Moctar,54 anyos nga nagpuyo sa Digos,Davao del Sur rason nadumdol ang L300 van ug Dungan sila nahulog sa pangpang.
Gawas sa mga namatay’ng biktima, pabiling gihatagan sa medikasyon ang pahenante nga si Bautil Bansara Istangley kuyog si Moctar.
Kon walay makab-ot nga panagsabot, mag-atubang sa kasong pagsupak sa reckless imprudence resulting into homicide,reckless imprudence resulting into multiple physical injuries ug damage to properties.
Hisayrang usa sa mga namatay ang naputla’g bukton nga maoy nakapangilngig sa maong hitabo niadtong petsa 6 ning bulana.
