CAGAYAN DE ORO CITY-Napatay sa militar ang duha ka armadong lalaki nga gitoohang kabahin sa suporters sa
teroristang Maute-ISIS sa lungsod sa Marantao,Lanao del Sur kagahapon sa kadlawon.
Kini human gihasi sa grupo sa mga armado ang pag-abli sa enrolment sa libuang tinun-an sa Mindanao State University Main Campus sa Marawi City kagahapong adlawa.
Gibutyag ni Marawi City Police Station commander Supt Ebra Moxir nga atol usab sa engkuwentro,naangol ang upat ka sundalo nga maoy misugat sa maong grupo.
Hatagan sa hugot nga seguridad sa militar ug kapolisan ang mga tinun-an nga mibalik na sa pagtungha sa MSU-Main Campus aron dili basta-basta mahasi sa mga terorista.
