CAGAYAN DE ORO CITY, Philippines – Gibasura sa ICC ang duha ka petisyon nga gisang-at ni Atty Salvador Medialdea, ang lead legal counsel ni Kanhi Presidente Rodrigo Duterte.
Human sa kompirmasyon sa identidad sa kanhi presidente, gi-anusyo ni ICC Pre-Trial Chamber Presiding Judge Lulia Motoc nga gibasura sa korte ang duha ka hangyo sa counsel ni Duterte nga naglakip sa postponement sa hearing sa kaso, sunod semana ug pagbasura sa pagdismis sa kaso tungod sa kakulang sa ebidensya.
Ang korte naghatag kaniya sa mga katungod ilalom sa Rome Statute, lakip na ang opsyon nga mag-apelar sa interim release samtang nagpadayon ang kaso.
Segun sa president judge, si Duterte giakusahan isip indirect co-perpetrator sa pagpatay sa 43 ka mga tawo sa Davao ug sa tibuok nasud atol sa iyang termino isip mayor niadtong Nobyembrer 2011, ug presidente sugod Marso 16, 2019.
Ang mga hukom nga naghawid sa kaso mao sila Judge Motoc, presiding judge, ug mga kauban niini nga sila Judge Reine Alapini-Gansou ug Judge María del Socorro Flores Liera.
Ang sunod nga pagdungog alang sa pagkompirma sa mga akusasyon gikatakda sa Setyembre 23, 2025.
