CAGAYAN DE ORO CITY – Gimanduan ni City Police Director Col Henry Dampal ang liderato sa Macabalan Police Station 5 nga sikupon pagbalik ang duha ka naka-eskapo nga suspected drug pushers ning syudad.
Kini human nalutsan ang on duty police personnel hinungdang nakasibat sila si Danny Boy Panandigan,29 anyos nga taga-Brgy Macabalan ug Joseph Cainoy,20 anyos nga residete sa San Roque,Brgy Lapasan sa dakbayan.
Gibutyag ni Cagayan de Oro City Police Office spokesperson Maj Evan Viñas nga gusto nila madakpan pagbalik ang duruha samtang manubag ang pipila ka pulis nga na-eskapuhan sa miaging kadlawon.
Sa pagkakaron,pabiling gipangita pa sa mga pulis ang mga suspetsado.
