CAGAYAN DE ORO CITY – Gikompirmar ni City Mayor Oscar Moreno nga dugang duha ka person under investigation o PUI sa coronavirus disease ang namatay samtang gitambalan sa Northern Mindanao Medical Center ning syudad.
Miingon si Moreno nga gilakipan kini sa pasyente nga sa babaye nga senior citizen diha sa Bry Camaman-an ning syudad ug laing usa gikan sa lungsod sa Laguindingan,Misamis Oriental.
Giklaro sa mayor nga gihulatan pa ang resulta sa throat swab sampling sa pasyente nga taga-Cagayan de Oro kon coronavirus pa ba ang rason sa kamatayon niini.
Samtang gi-contact trace sa Dept of Health ang mga tawo nga ulahi gikauban sa 69 anyos nga pasyente nga positibo sa coronavirus nga na-confine sa pribadong ospital ning syudad.
Kini human unang nadala sa Maria Reyna Xavier University Hospital diha sa Pinikitan,Brgy Camaman-an ang pasyente ayha gisulod sa Northern Mindanao Medical Center.
Miingon si DoH-10 Infectious Diseases Cluster head Dr Ian Gonzales nga natumbok na sa ilang team ug City Health Office kon kinsa kadtong mga tawo nga nakaduol sa maong pasyente.
Una usab gibutyag ni Hospital Director Dr Jose Chan nga naka-oxygen ang pasyente kinsa amahan sa doktor nga nag-trabaho usab sa NMMC.
