CAGAYAN DE ORO CITY – Luwas sa disgrasya ang police official ug laing kaubang pulis gikan sa nahulog sa basakan nila nga mobile car sa Purok 4,Brgy Violeta,Malaybalay City,Bukidnon.
Giila ni Bukidnon Provincial Police Office spokesperson Police Maj JiselleLonggakit ang maong opisyal nga si Maj Cepriano Barazan Jr gikan sa Regional Information Communication Technology Management Divisio -10 nga nakabase sa Camp Alagar ug ang driver nga si Police Senior Master Sgt Renante Tanguion nga residente sa lugar.
Miingon si Longgakit gikan sa Cabanglasan Police Station ang mga biktima samtang anaa na sila sa bisinidad sa Malaybalay City ang kalit nawad-an kontrol ang mobile car nga iya sa Bukidnon PNP kay mohawid ang brake gumikan sa kadanlog sa kalsada epekto sa ulan hinungang nahulog kini madulong sa humayan.
Hinoon,wala ma-grabihi’g bun-og o samad ang mga biktima kay paspas kining gitabangan sa mga mag-uuma nga nakakita sa hitabo.
Gidala pa sa ospital ang mga biktima sa pagsiguro nga masusi ang ilang panglawas gumikan sa hitabo.
Dumduman nga kini na ang ikatulo nga police patrol nga nadisgrasya sulod ning bulana diin naglakip sa Agora Police Station dinhi sa syudad ug ang sa 2nd Mobile Force Company nga ubos sa Misamis Oriental PNP.
