CAGAYAN DE ORO CITY -Pulos gidala sa nagkadaiyang ospital ang duha ka pulis ingon man ang 84 anyos nga inahan sa dihang naglasong ang nasamdan usab nga suspected mentally-ill nga lalaki diha sa Mabini-Burgos Streets,Brgy 13 ning syudad kagahapon sa hapon.
Kini human unang nagkalalis ang suspek nga si Elmo,56 anyos ug ang inahan niini nga si Azucena Montellano nga nag-resulta sa hostage-taking.
Gibutyag ni Divisoria Police Station commander Maj Sebastian Chua nga nahiagom sa daghang samad sa kutsilyo si Azucena human laslasa sa suspek hinungdan nga paspas sila nag-responde sa lokasyon sa mag-inahan.
Apan armado sa kalibre 38 nga armas ang suspek diin gipusil niini sila police officers Jason Abesamis ug Jay Ian Bundulan nga tuyo unta mo-rescue sa inahan sa suspek.
Wala na’y nahimo ang mga pulis gawas nga gi-pusil usab nila aron ma-neutralize ang suspek nga gikonsiderar nga delikado niadtong tungura.
Miingon si Chua nga kon dili mapamatud-an nga dunay depekto sa huna-huna ang suspek,kabahin sa ilang e-kaso ang multiple frustrated homicide sa piskalya ning syudad karong adlawa.
