CAGAYAN DE ORO CITY – Apil sa nakasuhan sa pagsupak sa election ban ug illegal possession of firearms ang duha ka aktibong pulis ug usa ka sundalo samtang ubos sa election period ang nasud kay taliabot ang May 12 elections.
Kini subay sa data gikan sa Regional Election Monitoring Action Center o REMAC nga gihupot sa tanang impormasyon kahahin sa taliabot piliay nga nakabase sa Camp Alagar ning syudad.
Gibutyag ni Police Regional Office 10 spokesperson Major Joann Navarro nga sa 29 ka dinakpan, nakompiskahan sa 28 ka klase-klaseng armas kuyog ang 229 ka mga bala atoll sa operasyon.
Siya miingon nga duha usab ang pabiling gawasnon kay naka-eskapo sa pagpatuman sa balaod.
Dugang ni Navarro nga sa mga dinakpan walo kanila ang naharang sa Comelec checkpoint samtang ang 21 pinaagi sa police operations sa nagkadaiyang bahin sa Northern Mindanao.
