CAGAYAN DE ORO CITY – Gibasura sa piskalya ang gipasaka nga frustrated murder ni Lt Col Michael John Deloso batok sa duha ka pulis nga unang gitudlo niini nga suspek pag-ambush kaniya sa syudad niadtong 2018.
Kini ang kompirmasyon ni Police Regional Office -10 spokesperson Lt Col Mardi Hortillosa nga kanhi nagsilbing tigpamaba sa SITG-Deloso.
Gibutyag ni Hortillosa nga maoy nakalinggawas sa kaso sila si SPO1 Ian Quitoriano ug SPO2 Elmer Arabi nga pulos nadestino kaniadto sa Regional Drugs Enforcement Unit o RDEU.
Una nang gihimakak sa duha ka pulis nga pasangil ni Deloso ug gipamugos nga wala sila’y kasayuran sa pagka-ambush niini niadtong Nobyembre 20,
2018.
