CAGAYAN DE ORO CITY – Hinuli sa pamamagitan ng drug buybust operation ang dalawang tulak ng shabu sa Purok Ramos, Brgy. San Luis Gingoog City.
Nasakote ng pulisya ang mga suspek
na sina Cecilio Culla alyas Jun Culla, 40 anyos, DI Listed ng PDEA, may asawa at wanted sa kasong murder.
Kasamang nahuli ang kanyang sidekick na nakilalang si Romelo Jucoy, 49 anyos at residente ng Camp Evangelista ng Brgy Patag.
Narekober sa mga suspek ang isang malaking sachet ng pinaghihinalaang shabu at drug buy bust money na nagkakahalaga ng P1,500.
Base naman sa warrant of arrest laban kay alyas Jun Culla, aabot sa P200,000 ang recommended bail bond para sa kanyang temporaryong kalayaan.
Nakapiit ang mga suspek sa Gingoong City Police Office.
