CAGAYAN DE ORO CITY-Nag-atubang sa kasong pagbaligya’g gidiling droga ang duha ka drug pusher ug user nga nadakpan diha sa Brgy Lumbia ning syudad.
Giila ni Lumbia Police Station commander Sr/Insp Bernard Colegio ang mga suspek nga sila si Jimmy Alido ug Serge Canoy, hingkod ang mga panuigon ug residente sa maong dapit.
Asoy ni Colegio nga nakuha nila sa posisyon sa mga suspek ang duha ka sachets sa drugang shabu ug mga drug paraphernalia.
Hisayran nga wala na misukol ang mga suspek hinungdan nadakpan nga buhi sa operasyon.
