2 refugees patay, 70 missing sa pagka-unlod sa barko sa Libya

Duha ka lawas ang narekober ug kapin 70 ka tawo ang missing human nangalunod ang usa ka kahoy nga barko nga nagdala og 105 ka pasahero sa tubig nga kontrolado sa Libya, sumala sa Mediterranea Saving Humans.

Ang barko milarga gikan sa Tajoura sa amihanan-kasadpang Libya aron molayas sa nasud.

Ang trahedya nahitabo Sabado sa hapon, 14 nautical miles sa amihanan-sidlakan sa Bouri oil platforms, sa baybayon sa Mediterranean Sea.

Duha ka merchant ships ang miapil sa rescue operation, diin usa nakaluwas og 32 ka tawo ug nakarekober og duha ka lawas.

Ang mga nakaluwas ug mga lawas gidala sa Lampedusa, habagatan sa Italy, Domingo sa buntag.

Ang ubang pasahero hangtod karon missing pa sa dagat.