CAGAYAN DE ORO CITY – Gisuspenso sa Land Transportation and Franchising Regulatory Board o LTFRB-10 ang prangkisa sa duha ka bus sa Rural Transit Mindanao Incorporated o RTMI nga nagbiyahe sa probinsiya sa Bukidnon.
Kini nunot na sa aksidenteng gikalambigitan sa usa sa ilang bus nga gikamatay sa duha ka pasahero diha sa Sayre national highway, Brgy Impalutao,Impasug-ong,Bukidnon.
Sumala ni LTFRB regional director Allan Guro nga ila lamang bawion ang suspension kon masuta ang sitwasyon sa mga bus ug magpaubos sa drug testing ang mga drayber sa bus.
Kahinumduman nga kalit nawad-an sa balanse ang drayber sa bus nga si Leomerde Garcia Velarde tungod sa danlog nga dalan hinungdan sa aksidente nga gikamatay sa mga pasahero nga sila si Marisol Marinay ug Mary Joy Bongcales sa miaging semana.
