CAGAYAN DE ORO CITY – Nagbaton sa sintomas sa coronavirus disease ang duha sa daghang direct contact persons sa 26 anyos nga taga-Iligan City apan nagpuyo ning syudad.
Kini human nasubay na sa city health office ang mga pasahero nga gikauban sa biktima samtang nagsakay sa barko gikan Cebu City pauli ning syudad sa miaging mga semana.
Miingon si City Health Office epidiomologist Dr Joselito Retuya nga hinoon kadaghanan sa mga na-contact nila ang wala’y indikasyon nga nagbaton sa maong bayrus.
Hisayrang anaa sa 60 ka pasahero ang nakuyog sa pasyente diin siyam niini ang mga residente ning dakbayan.
