CAGAYAN DE ORO CITY – Samaron ang duha ka residente sa dakong sunog nga mihurot pag-ugdaw sa bana-bana 40 ka balay sa Sitio Mangingit,Gumamela Extension,Brgy Carmen ning syudad kagabii.

Giila ni BFP District Fire Marshall Supt Allan Cabut ang mga biktima nga sila si Bernard Cemania ug Jovie Emata,mga hingkod ang panuigon nga nakaangkon sa mga paso ug samad tungod sa sunog.

Miingon si Cabut nga natumbok ang tinubdan sa kalayo sa ikaduha nga andana sa pinuy-anan ni Edna Ubatay ug gilayong mikatay sa mga silingan.

Sutaon pa sa BFP ang hinungdan sa sunog nga dunay initial structural damage nga uno milyon pesos.

Si BFP District Fire Marshall Supt Allan Cabut

Apektado usab ang kapin 70 ka pamilya gumikan sa maong sunog ug kasamtangang gipahimutang sa tunghaan diha sa Macanhan,Brgy Carmen sa syudad.