CAGAYAN DE ORO CITY – Mitala sa duha ka tawo ang samaron sa pagkasunog sa 12 ka balay sa Sto. Niño,Brgy Lapasan ning syudad.
Kini human nagsumikad ang sunog sa pinuy-anan ni Lenny Vargas ug mikuyanap sa mga silingan niini.
Miingon si SFO1 Lino Lauson sa BFP nga kabahin sa samaron ang menor de edad nga pag-umangkon ni Vargas ug ilang kaubang bombero.
Samtang gibutyag usab ni Lapasan Brgy Kap Julito Ogsimer nga anaa na sa 6 milyon pesos ang damyos sa sunog.
Kini tungod sa mga personal nga kabtangan sa mga biktima kinsa gipahimutang sa evacuation center sa brgy kagahapong adlawa.
