CAGAYAN DE ORO CITY – Nasikop sa Criminal Investigation and Detection Group o CIDG-Misamis Oriental ang duha ka senior citizen ug laing usa ka babaye nga beneficiary sa 4P’s ug Social Amelioration Program o SAP sa Brgy Cogon El Salvador City, Misamis Oriental.
Giila ang mga dinakpan nga sila nga Rosario Plapero, 63 anyos, Maribeth Daug, 61 anyos ug Christita Nanol, 56-anyos nga pulos molopyo sa maong brgy.
Gibutyag ni Police Lt. Noel Oclarit sa CIDG-MisOr nakadawat sila’g report nga may nagsugal sa maong dapit ug ilang nasapon sa akto ang maong mga suspek nga nagdulag tong-its busa ila kining gidakop.
