CAGAYAN DE ORO CITY-Nasikop sa sunod-sunod nga entrapment operations sa PDEA-10 ang duha sa tulo ka suspek nga nagbaligya’g gidiling droga sa magkalahing bahin sa syudad kagahapong adlawa.
Gibutyag ni PDEA agent Ben Calibre nga giila ang mga nasikop nga sila si Nobraisa Basman ug Celestina Lingao-Lingao nga pulos napalita’g tagsa ka sachet sa gitoohang shabu atol sa entrapment operations.
Nakompiskar gikan sa mga suspek ang 15 gramos nga suspected shabu diin bana-banang nagbalor 90-mil pesos.
Una nang naka-eskapo ang usa ka suspek nga si Gerald Benosa dihang napalitan sa sachet sa gitoohang shabu atol sa anti-drug buy operation sa Zone 8,Lower Bulua ning syudad.
Nabawi gikan sa suspek ang usa ka gramo sa suspected shabu balor 6-mil pesos.
