CAGAYAN DE ORO CITY-Nasikop sa anti-drug buy bust operation ang duha ka lalaki nga giingong namaligya’g gidiling droga sa Brgy Nazareth sa syudad kaganihang kadlawon.
Giila ni Cogon Police Station commander C/Insp Harvey Abellanosa ang mga suspek nga sila si Marlo Dael Rullen nga taga-Brgy Carmen ug Ricky Boy Capitan Moreto nga residente usab sa Bry Nazareth sa dakbayan.
Napalitan sa sachet sa gitoohang shabu si Rullen hinungdan nga nasikop kauban si Moreto.
Nakompiskar gikan sa mga suspek ang 10 gramos nga suspected shabu balor 80-mi pesos ug laing usa ka putos nga may sulod nga pinauga nga dahon sa marijuana.
Kasuhan sa pagbaligya’g gidiling droga ang mga suspek sa piskalya sa syudad sulod ning semanaha.
