CAGAYAN DE ORO CITY – Nasunog ang duha ka andana nga balay diha sa Patrick Cronin Village,Brgy Camaman-an ning syudad sa miaging kaganihang kadlawon.
Miingon si Fire Officer 1 Kevin Carvallejos,investigator sa BFP-Nazareth Sub-Station nga maoy okupante sa maong gambalay ang magtiayong Rudy ug Baby Ricanel nga nagpuyo sa maong lugar.
Dugang ni Carvallejos nga posibleng depekto nga koneksyon nga koryente ang rason sa sunog diin nagsumikad sa silong nga bahin sa gambalay.
Hinoon,walay natala nga kinabuhi nga nakalas o naangol sa maong sunog.Mitala usab sa gatus-miel pesos ang damyos sa maong hitabo.
Kini na ang ikaupat nga sunog nga natigayon sa syudad sulod ning bulana.
