CAGAYAN DE ORO CITY- Samaron ang duha ka sundalo sa pagbusikad sa improvised explosive device o EID sa utlanang bahin sa Bacolod-Munai,Lanao del Norte kagahapong adlawa.
Kini subay sa inisyal nga nakuha nga impormasyon sa Bombo Radyo direkta sa maong probinsya.
Apan gibutyag ni PNP regional spokesperson Supt Lemuel Gonda nga wala pa sila’y nakuha nga detalye gikan sa AFP kon kumpirmado nga may nasamdan sa mga sundalo.
Una niini,nagsunod ang convoy sa 52nd Mecahanized Brigade Philippine Army ug Military Intelligence Batallion sa ilang convoy dihang nabuthan sa IED.
Wala pa’y matumbok ang kapolisan kon kinsa ang pundok nga mihimo sa pagpabuto sa bomba batok sa mga sundalo.
