CAGAYAN DE ORO CITY-Gigukod pa sa militar ang grupo ni Maute-ISIS lider Benito Marahomsar alyas Abu Dar nga nagkota sa bukirang bahin sa Brgy Padas,Pagayawan,Lanao del Sur.
Kini human nasudlan sa militar ang bag-ong kampo ni Abu Dar diin kuyog niini ang 20 ka miembro ug nakig-pinusilay sa maong lugar.
Giangkon ni AFP Western Mindanao Command spokesperson Lt Col Gerry Besana nga duha sa ilang sundalo ang namatay samtang laing usa ang samaron.
Daghan na usab mga residente ang nagbakwit padulong sa mas luwas nga lugar aron makalikay maipit sa maong engkuwentro sukad pa kagahapong adlawa.
Si Abu Dar ang nag-inusarang lider sa Maute-ISIS nga naka-survive dihang gipulbos sila sa militar samtang tuyo ilugon ang Marawi City sa tuig 2017.
