CAGAYAN DE ORO CITY – Patay ang duha ka suspected drug pushers ug samaron ang usa ka babaye sa gilusad nga anti-drug buy bust operation sa Jasmin Street, Brgy Carmen ning syudad kagabii.
Miingon si PDEA Misamis Oriental Provincial Director Expedito Cardona nga maoy target sa operasyon ang kanhi embalsamador nga si Henryl Go,29 anyos nga nagpaila sa kaugalingon nga usa ka pulis atol sa ilang transaksyon.
Namahayag si Cardona nga daw nakabantay ang suspek nga ahente sa PDEA ang mipalit sa pasiunang 15 gramos nga gitoohang shabu hinungdang nagka-pinusilay sulod sa balay diin natigayon ang pagpalit sa droga.
Gikompirmar ni Cardona nga duha ka lalaki ang diha-dihang patay samtang kritikal nga nadala sa ospital ang babaye nga apil usab sa transaksyon.
Gitugyan usab sa PDEA sa PNP-SOCO ang imbestigasyon ug gipahimo’g affidavits ang mga ahente nga kabahin sa operasyo.
Hisayrang anaa sa tunga sa milyon ka pesos nga gitoohang shabu ang nakompiskar sa crime scene kagabii.
