CAGAYAN DE ORO CITY – Ipaubos sa inquest proceedings sa kapolisan sa piskalya ang duha ka suspected drug pushers nga nakuhaan sa 120 gramos nga gitoohang shabu sa hiniusang buy-bust operation sa Old Road,Purok 7,Brgy Gusa ning syudad.
Giila ni Police Regional Office 10 spokesperson Lt Col Michelle Olaivar ang mga dinakpan nga sila si Isidro dela Peña, 41 anyos nga nagpuyo sa Sitio Pinikitan, Brgy Camaman-an ug nagsilbing Directorate for Intelligence watchlist ingon man si Jemar Leopardas, 36 anyos nga nagpuyo sa Brgy Gusa.
Gibutyag ni Olaivar nga detinado ang duruha sa mini-cell sa Agora Police Station ug gitakdang kasuhan sa pagsupak sa Dangerous Drugs Act of 2002 nunot sa nakompiskar nga sobra 800-mil pesos nga gitoohang shabu atol sa operasyon.
Samtang gihimakak usab sa mga suspek ang pasangil batok kanila.
