CAGAYAN DE ORO CITY-Gihagit ni Police Regional Office -10 spokesperson Police Supt Surki Serenias ang Kilusang Magbubukid ng Pilipinas o KMP Northern Mindanao nga kasuhan ang arresting officers sa korte.
Kini nunot na sa ilang reklamo nga ilegal ang pagka-aresto sa duha ka mga top lider sa NPA ug planted ang armas ug granada nga nakuha sa ilang posisyon.
Namahayag si Serenias nga napaubos na sa inquest proceedings sila si Datu Jomorito Guaynon,chairman sa Kalumbay Lumad Organization ug Ireneo Udarbe,lider usab sa Kilusang Magbubukid ng Pilipinas-Northern Mindanao tungod sa laing kaso nga atubangon niini.
Gibutyag ni Serenias nga mahimo usab i-reklamo sa grupo kun ugaling may nahimong kasupakan sa human rights ang mga otoridad ngadto na sa mga dinakpan.
Dugang niini nga mas maayo nga ang korte maoy maghukom sa kasong 4 counts of attempted murder ug frustrated murder nga giatubang sa mga dinakpan.
Samtang gipamugos sa KMP Northern Mindanao nga ilegal ang pagka-aresto nila ni Guaynon,ug Udarbe,lider sa Kilusang Magbubukid ng Pilipinas-NorthernMindanao.
Sumala ni KMP-Northern Mindanao spokesperson Michael Pineda nga walay napakita nga warrant of arrest ang mga otoridad sa pagdakop sa ilang mga kauban.
Una nang gibutyag sa grupo nga planted ang armas, granada ug submersive documents nga nakuha PNP-CIDG ug militar gikan Udarbe ug Goaynon dihang gisikop sa Brgy Patag sa syudad.
