CAGAYAN DE ORO CITY– Magpasko sulod sa selda ang duha ka suspected drug pushers nga taga-Brgy Agusan ning syudad ug residente sa Brgy Casinglot,Tagoloan,Misamis Oriental.
Kini human sila nasignit sa Regional Police Drug Enforcement Unit 10 sa anti-ilegal drug buy bust operation sa Sitio Bantilis,Brgy Bugo ning syudad.
Mo-depensa sa kasong pagsupak sa Comprehensive Dangerous Drugs Act of 2002 sila alyas Jay,29 anyos ug alyas Loloy,40 anyos tungod sa pasangil batok kanila.
Nakompiskar gikan sa ilang posisyon ang 50 gramos nga gitoohang shabu nga dunay 340-mil pesos nga kantidad ug duha nila ka pitaka.
