At large pa ang mga suspek nga milabay’g granada sa balay usa ka foreman sa Sitio KM8 Brgy Lumbia ning syudad.
Namahayag si Kagawad Pepe Ladere, Peace and Order Chairman, nga naila ang biktima nga si Allan Abecio, ug wala pay lead ang mga otoridad kung asa mikagiw ang mga suspek human nila malampuson napabusikad ang granada sa balay sa ilang target.
Subay sa inisyal nga imbestigasyon sa Police Station 8 – Lumbia, positibo nga gitudlo sa mga saksi ang suspek nga si alyas Arnold Pat, 20 anyos usa ka construction worker ug Roel Pat Bacarro, iyang uyuan ug kauban sa trabaho nga adunay ‘existing warrant of arrest’ ning syudad.
Unang migula ang impormasyon nga gikasuko sa batan-ong suspek ang pagdugay-dugay sa paghatag sa ilang suhulan ni Abecio, kay siya adunay utang sa iyang uyuan.
Miabot sa crime scene ang mga suspek nga nagdala sa shotgun ug nakamotor.
Wala damha sa mga residente nga nagdala sila’g granada ug na-angol sa pagbusikad ang 8 anyos nga batang lalaki.
Paspas kining nadala sa hospital human maigo ang iyang tiil sa shrapnels.
Gikondinar sa Cagayan de Oro City Police Office (COCPO) ang insidente kay nagpabiling dakung tanghaga kung asa nakakuhag granada ang mga suspek
