CAGAYAN DE ORO CITY- Nasikop sa PNP ug PDEA operatives ang maghigala nga Maranao-Muslims nga suspek pagpayuhot sa ilegal nga droga sa Maranding,Lala,Lanao del Norte.
Giila ni Regional Drugs Enforcement Unit o RDEU operative Police Sttaf Sgt Elmer Arrabi Jr nga sila si Erwin Madid alyas Koykoy ug Maumar Panda nga pulos nagpuyo sa Sultan de Naga Dimaporo sa maong probinsya.
Nakompiskar gikan sa mga suspek ang balor P2.4 milyon nga gitoohang shabu ug mga armas nga may mga bala.
Gawas niini,nabawi usab ang duha ka bigbike motorcycles nga gigamit sa mga suspek sa ilang mga transaksyon.
Giandam na ang kaso batok sa mga suspek nga ipasaka sa piskalya sa Lanao del Norte ning semanaha.
