CAGAYAN DE ORO CITY – Nadakpan pinaagi sa drug buybust operation ang duha ka suspek nga dunay kasong murder sa Purok Ramos, Brgy. San Luis Gingoog City.
Giila sa Misamis Oriental Police Provincial Office ang mga suspek nga sila Cecilio Culla alyas Jun Culla, 40 anyos, DI Listed sa PDEA, minyo ug wanted sa kasong murder.
Kuyog nga nadakpan ang sidekick sa prime target nga si Romelo Jucoy, 49 anyos ug residente ng Camp Evangelista sa Brgy Patag.
Narekober sa mga suspek ang usa ka dakung sachet sa shabu ug P1500 nga buybust money. Priso ang mga suspek sa Gingoong City Police Office.
Mirekomendar ang korte sa matag-usa sa tig P200,000 bugti sa ilang temporaryong kagawasan
