CAGAYAN DE ORO CITY – Napasakaan na sa kasong pagsupak sa RA 10591 kon Illegal possession of firearms and ammunitions ug RA 9165 ang duha suspek nga namaligya sa armas sa Sitio Sta. Cruz, Brgy. Lapasan ning syudad.
Giila ang mga suspek nga sila si Gilyzar Tobias Melendrez, minyo ug nagsilbing purchaser ug driver sa usa ka planta nga nahimutang sa Bahada Poblacion, Valencia City Bukidnon ug si Sittic Aira Cali Topaan, minyo, walay trabaho ug residente sa Brgy. Pangarongan, Marawi City.
Miingon si PRO-10 spokesperson Lt Col Mardi Hortillosa nga nasikop ang mga suspek pinaagi sa buy bust operation diin nakuhaan sila sa 100 gramos sa shabu nga gibanabanang nagbalor sa P700,000.
Target usab gikan sa mga otoridad ang mga ilegal nga armas nga gilakipan sa 9mm pistol; .22 kalibre nga armas ug isuzu pick up kolor puti.
