CAGAYAN DE ORO CITY-Patay ang duha tawo nga gilangkuban sa lalaki ug babaye sa magkalahi nga lugar sa Lanao del Norte ug sa Bukidnon.
Giila ni PNP regional spokesperson Supt Lemuel Gonda ang mga biktima nga sila si Maria Nabua Cabug-os ug Jeric Oximar nga pulos hingkod ang mga panuigon.
Matud ni Gonda nga nakit-ang wala na’y kinabuhi si Cabug-os samtang anaa sulod sa pinuy-anan niini sa Camp 5,lungsod sa Tubod,Lanao del Norte.
Naglutaw usab sa suba sa Mulita sa Brgy Malinao sa lungsod sa Kadingilan,Bukidnon si Oximar diin anaa na sa puneraya sa maong lugar.
Nagpadayon ang mga pag-imbestigar sa kapolisan sa maong mga kaso sa nahisgutang mga lalawigan.
