CAGAYAN DE ORO CITY-Giangkon sa duha ka taxi driver nga ilang nahilabtan ang 16-anyos nga pasaherong batan-on diha sa Brgy Gusa sa syudad sa miaging gabii.
Apan depensa sa mga suspek nga may pagtugot gikan sa biktima ang ilang paghilabot niini bugti sa P600.00 nga bayad.
Matud sa suspek nga si Jason Oco Borres, taga Brgy Cugman ning syudad nga misugot ang menor-de-edad nga ilang gamiton basta mobayad sa gikasabutan nga kantidad.
Bisan si Jerome Pelicio,24 anyos nga taga-Casinglot, Tagoloan ning lalawigan ang nagbutyag nga wala nila gipugos sa paggamit ang biktima ilabina nga wala kini mi-reklamo sa dihang ilang gipuli-pulihan sulod sa sakyanan.
Una nang gipamugos sa biktima nga dili mahitabo nga magbayad siya sa mga suspek aron lang siya gamiton.
Hisayrang gikan sa sabot nga 600 pesos,bugtong P20 na lamang ang nahatag sa mga suspek ug tubig nga sinulod sa mineral ang nahatag sa biktima hinungdan nga napugos pagsumbong ngadto sa kapolisan diin gipamugos nga kini gilugos.
