CAGAYAN DE ORO CITY – Mag-atubang sa laing kasong pagsupak sa Republic Act 9165 ang rent-a-car driver nga nadakpan pinaagi sa buy bust operation sa Zone 8,Brgy Bulua ning syudad.
Kini human nasakote sa mga operatiba sa Regional Police Drug Enforcement Unit 10 kuyog ang Regional Intelligence Division 10 ug Regional Intelligence Unit 10 ang 42 anyos nga suspek nga si alyas Jojo nga taga-Brgy San Antonio,Brgy Lapasan ning syudad.
Sa nadawatan nga report ni Police Regional Office 10 Director Brig Gen Jaysen de Guzman nga maoy nakuha sa mga operatiba ang 480 gramos nga gitoohang shabu nga adunay kostar nga 3.2 milyones pesos.
Siya miingon nga kanhi na nag-atubang sa duha ka kasong pagbaligya sa illegal nga droga ang suspek ug wala gihapon kini nagbag-o kay nadakpan sa laing higayon sa susama nga kasupakan.
Nasuta nga sa mga nakompiskar nga droga gikan sa suspek nga sinulod sa mga dagkong sobre,may mga pangalan nga nakalista nang daan nga gitoohang maoy padal-an niini
