CAGAYAN DE ORO CITY-Gisikop subay sa mando sa korte sa kapolisan ang duha ka lider sa mga aktibista tungod sa kasong upat ka counts sa multiple murder ug frustrated murder sa Brgy Patag ning syudad.
Kini human unang na report nga missing sila si Ireneo Ubarde sa Kilusang Mambubukid ng Pilipinas o KMP-Misamis Oriental Chapter ug Kalumbay Organization chairman Datu Jomorito Guaynon nga motambong unta sa dayalogo sa mga sundalo sa Bukidnon sa miaging adlaw.
Miingon si Police Regional Office o PRO-10 spokesperson Police Supt Surki Serenias nga wala dagita apan gisikop si Udarbe ug Goaynon tungod sa mando ni Regional Trial Court o RTC Branch 38 Presiding Judge Emmanuel Pasal.
Nakuhaan usab sa mga armas, granada ug NPA submersive documents ang mga suspek dihang gisilbi ang warrant of arrest batok sa mga suspek.Samtang gipamugos sa KMP-Misamis Oriental Chapter nga ‘planted’ ang mga nakompiskar nga armas, granada ug submersive documents gikan kang Ubarde ug Guaynon.
Sumala ni KMP spokesperson Michael Pineda nga gidagit sa mga pulis ang ilang mga kauban ug walay kamatooran ang report nga nagbaton sa warrant of arrest ang duha ka mga lider sa lumad.
Gipanganti ni Pineda nga ilang kasuhan ug pabayron ang arresting officers nga midagit sa ilang mga kauban.
