CAGAYAN DE ORO CITY – Nadakpan sa kapolisan ang duha ka lider ug political adviser sa rebeldeng New Peoples Army o NPA sa Barangay Dableston, Sultan Naga Dimaporo, Lanao del Norte.
Giila ang mga suspek nga sila si Christopher Cañete ug Virjon Virtudazo.
Sa impormasyon nga nakuha sa militar, si Cañete ang giilang first deputy ug head sa intelligence staff sa Platoon Guerilla, Regional Operation Command of the North Central Mindanao Regional Committee o NCMRC samtang si Virtudazo ang giilang political instructor sa Platoon Bingo, Moro Company, SRC 5, NCMRC.
Narekober sa ilang posisyon ang caliber .45 pistol, caliber .38 revolver, improvised explosive device, duha ka rifle grenades, usa ka blasting cap, ug detonating fuse.
Gibulgar usab sa mga dinakpan ang lokasyon sa gitagoan sa ilang mga armas sa sa Barangay Sto. Niño, Kapatagan Lanao del Norte diin narekober sa maong lugar ang pito M16 rifles, AR18 rifle, M203 Grenade Launcher, 38 revolver, 286 M16 magazines ug mga bala.
