CAGAYAN DE ORO CITY – Kasuhan sa pagpatay ug pagpanulis ang duha ka suspek nga nadakapan sa pursuit operation sa kapolisan sa Sitio Bulahan,Brgy Dansolihon ning syudad.
Giila ni Cagayan de Oro City Police Office spokesperson Maj Evan Viñas ang biktima nga si Mark Lenn Maraguinot,24 anyos,minyo ug stay-in worker sa L & N store sa maong lugar.
Giila usab ang mga dinakpan sa Lumbia Police Station 8 ubos sa pagpangulo ni Maj Aldrin Bacuilo nga sila si Bothcie Hidalgo ug Edzel Manual,pulos hingpit ang panuigon nga silingan ra sa biktima.
Saysay sa imbestigasyon nga human tulisa ug nadala sa mga suspek ang salapi sa biktima ang ila kining gidunggab hinungdang nga wala na’y kinabuhi nga naabtan sa mga pulis sa crime scene.
Temporaryong detinado ang mga suspek sa kapolisan samtang ipasaka sa piskalya ang mga kaso batok kanila sulod ning adlawa.
