Gitin-aw sa Department of Finance (DOF) nga dugay na napatuman ang 20% nga buhis sa interest income gikan sa bangko, ug kabahin kini sa kasamtangang sistema sa taxation sa Pilipinas.
Sa kasamtangang diskusyon sa social media, daghang depositor ang naalarma, apan giklaro sa DOF nga dili na kini bag-o.
Sa interview sa Bombo Radyo kang Economic Student Nicholai Wong, siya miingon ang buhis gipatuman tungod sa dili patas nga sistema kaniadto, kundiin ang mga sapian ug middle class lamang nakapahimulos sa long-term time deposits.
Subay sa datos sa DOF, mas dako ang ilang kita, sa maong sektor, itande sa ordinaryong depositor.
Gisuportahan ni Wong ang ideya nga ang gobyerno angayan motabang sa mga nagkinahanglan ug dili sila apilon sa 20% nga buhis.
Misugyot si Wong nga ipatuman lang sa dagkong transaksyon ang pagpatong sa bulihisan aron dili masakitan ang mga taong naglaom sa interest alang sa retirement ug emergency funds.
