(Update) CAGAYAN DE ORO CITY-Ipasaka na sa kapolisan ang 20 ka ihap sa kasong illegal posession of firearms batok sa suspected drug dealer sa Valencia City Prosecutor’s Office sa Bukidnon ning adlawa.
Kini human nakuhaa’g P3 milyon nga balor sa high powered firearms ug mga bala ang suspek nga si Melvin Chan nga nagpuyo sa Brgy Poblacion,Valencia City hinungdan nga gisikop.
Gibutyag ni PNP Drug Enforcement Group head C/I Jopet Paglinawan nga si Chan gisikop tungod kay pakyas maka-presentar sa legal nga dokumento sa iyang mga armas.
Kabahin sa nabawi ang M-16,M-14, 10 ka punto 22 caliber revolvers ug libuang rounds sa mga bala.
Una nang gihimakak ni Chan nga depensa sa kaugalingon ang nag-unang tumong niini nga nagbaton kini sa daghang tag-as nga kalibre nga armas sa maong dapit.
