CAGAYAN DE ORO CITY – Dul-ag 20 ka mga suspek ang nadakpan sa gilusad nga Oplan Galugad sa Cagayan de Oro City Police Office sulod lamang sa usa ka adlaw ning syudad.
Si COCPO spokesperson Pol Lt Colonel Mardi Hortillosa mibutyag nga usa niini wanted person, laing usa ang nalambigit sa ilegal drugs, pito ka minors ug napulo ang gidakop tungod sa kadudahang lihok.
Gi-angkon ni Hortillosa nga walay nalapas nga katungod sa mga gipangdakop tungod kay na-aktuhan man sila sa mga operatiba sa dihang mihimog operasyon ang mga kapulisan.
Mibahad si Hortillosa nga musaka pa ang ihap sa mga mapaslak sa bilanggoan sa ilang ipadayon nga oplan galugad.
