Gipalugwa sa Commission on Elections (COMELEC) ang dugang nga 20 ka ngalan sa mga lokal nga kandidato nga gipadalhan sa show-cause order tungod sa mga alegasyon sa “vote buying” ug kasupakan sa “abuse of state resources”.
Pipila kanila mga re-electionist ug bag-ong mga kandidato gikan sa lain-laing mga probinsya ug distrito sa Pilipinas.
Gipalig-on sa Committee on Kontra Bigay ang ilang baruganan nga imbestigaran, ug mupa-imbalido sa kandidatura sa usa ka pulitiko oras nga mapamatud-ang namalit sa boto sa katawhan, aron sila kombenyenti nga makaplastar sa gobyerno human sa Mayo 12 nga piliay.
Subli gitin-aw sa komite nga paglapas sa Omnibus Election Code ang “vote buying” gamit ang mga salapi o butang, nga gikan sa mga kandidato ug natunol sa mga botante panahon sa campaign period.
Namahayag ang ahensya nga gihatagan lamang nila sa tolo ka adlaw ang tanan napad-an sa sulat aron tubagon ang mga akusasyon nga gibato kanila.
Tubagon usab sa mga kandidato kung nganong dili sila angay madiskwalipikas o pasakasaha sa kaso sa Comelec. Una niini, ang alegasyon naglangkob sa pagpanghatag sa cash ayuda, mga raffle draw ug uban pa.
Usa sa pinaka-unang Senatorial Aspirant nga napadad-an mao si Camille Villar.
