Misaka pa sa 20 ka tawo ang patay sa gilusad nga Gen Z-led protest rally sa Maitighar, Kathmandu, Nepal.
Subay sa report, mukabat sa 17 ka tawo ang nakalas sa Kathmandu samtang 2 ang namatay sa Sunsari district, ug usa ka biktima wala pa maila.
Kapin sa 400 ka tawo, lakip ang 100 ka police officers ang samaran sa walag-tuo nga lihok protesta nga milanding sa bayolente nga pag-atake sa mga batan-on sa gambalay sa ilang gobyerno-sentral.
Lakip sa mitambong sa lihok protesta ang mga magtutungha sa kolehiyo, out of school youth, delivery riders, ug mga ordinaryong sibilyan.
Ang insidente giingon nga usa sa pinakadugoong protesta sa kasaysayan sa Nepal, ug nagresulta sa pag-resign nila Prime Minister KP Sharma Oli, kagahapon.
Mikuyanap usab ang report nga nakagawas na sa nasud si Home Minister Ramesh Lekha, human nagresign niadtong Setyembre 8.
Gumikan sa presyur sa mga kabataan, napugos usab pagluwat sa iyang posisyon si Agriculture Minister Ram Nath Adhikar.
Nag-ugat ang lihok protesta human sa pagbawal ug pag “blocked” sa ilang gobyerno sa 26 ka social media platforms sama sa Facebook, WhatsApp, Instagram, ug YouTube niadtong Setyembre 4, 2025.
Apan ang tinuod nga ugat sa kalihukan sa gitawag nga “Gen-Z protest” mao ang pagpaningil sa ilang kabatan-onan sa mga nanglingkod sa gobyerno batok sa walay kasulbaran nga paghitak sa government corruption, nepotismo, ug kakulang sa oportunidad sa kabatan-onan.
