CAGAYAN DE ORO CITY, Philippines – Mikalas sa 20 ka tawo ang pagkahagsa sa gamay nga abyon sa Unity State, South Sudan. Nag-crashlanding ang eroplano sa tugpahanan sa Unity oilfield ug padulong pa unta kini sa Juba.
Namahayag si Gatwech Bipal – Unity State’s information minister nga pulos mga oil workers sa Greater Pioneer Operating Company (GPOC).
Lakip sa namatay ang duha ka Chinese Nationals ug usa ka trabahanteng Indiano. Nailhan ang kompanyang GPOC sa sector sa lana isip consortium sa maong nasud, kuyog sa China National Petroleum Corporation ug sa mismong Nile Petroleum Corporation nga iya sa gobyerno sa South Sudan.
Wala na mihatag sa dugang detalye ang ministro kalabot sa hinungdan sa trahedya.
Ang labing ulahi nga linoog nga aksidente sa tugpahanan nahitabo niadto pang tuig 2018 kundiin 19 ka tawo ang patay sa pagkahagsa sa gamay nga eroplano sa Juba.
