CAGAYAN DE ORO CITY – Muabot sa 20% nga ihap sa chief of Police ubos sa Misamis Oriental Police Provincial Office ang naghupot sa bag-ong posisyon ug area assignment.
Kini ang gibutyag ni MIS-OR PNP spokesperson Police Lt. Princess Enriquez sa Bombo Radyo. Lakip sa dunay bag-ong mga hepe ang Gingoog city ubos ni PLTCOL ARIEL PHILIP PONTILLAS, Balingasag- PMAJ CECELIO ORCULLO, Balingoan-PCAPT RODNEY GAID, Jasaan- PMAJ DENNIS DELOS SANTOS, Lagonglong- PCAPT MARLO LANIOSO, Naawan-PCAPT DENNIS DANO ug si PCAPT ROBERT CAMBI ang mihupot sa isip chief of police sa Sugbongcogon municipal police station.
Silang tanan, gi-manduan sa bag-ong provincial director nga si Police Col Robert Roy Bahian nga magperform sa ilang duties and responsibilities ilabe na sa pagsanta sa ilegal numbers game ug kuyanap nga ilegal nga druga.
