CAGAYAN DE ORO CITY, Philippines – Mi-ulbo ang dakung sunog duol sa bag-ong court complex sa amihanang bahin sa Paris.
Maoy nasunog ang dakung planta sa recycled materials nga nahimutang sa syudad.
Gibutyag sa fire brigade nga kapin sa 60 ka fire trucks ug 200 ka bombero ang anaa sa maong lugar aron palungon ang kalayo.
Subay sa inisyal nga report, nagsugod ang kalayo kagabie, ug na-abtan pa sa pipila ka oras ang pagpalong tungod kay gama sa daling masunog nga mga materiales ang gilamoy sa kalayo.
Gibutyag ni Geoffrey Boulard, mayor sa ika-17 nga distrito nga guba ug nadugmok na ang apektadong gambalay.
