CAGAYAN DE ORO CITY –Apektado ang 200 ka pamilya nunot sa gipatumang lockdown sa duha ka purok sa Brgy Kiliog,Libona,Bukidnon.
Kini human nagpositibo sa rapid test ang ilang residente nga usa ka helper dinhi sa syudad.
Gibutyag ni Libona Vice Mayor Leonardo Totom Calingasan nga magpadayon ang lockdown sa lugar hangtud nga dili pa madawat ang resulta sa swab test sa maong pasyente.
Gipasabot usab ni Calingasan nga gihimo nila ang lakang aron mapadali ang pagpahigayon sa contract tracing kon pabiling magpositibo ang 55-anyos nga babaye sa swab test.
