CAGAYAN DE ORO CITY – Gikompirmar sa Police Regional Office o PRO-10 nga kapin 200 ka outlets sa lotto ug STL ang napasira sa kapolisan sa Iligan City.
Kini nunot na sa mando ni Pres Rodrigo Duterte nga pasirad-an ang tanang gaming operations sa Philippine Charity Sweepstakes Office o PCSO sulod sa 24 oras.
Miingon si PRO-10 spokesperson Police Lt. Col. Mardi Hortillosa nga posibleng madugangan pa ang maong ihap tungod kay wala pa makasubmitar sa ilang report ang probinsiya sa Bukidnon,Misamis Oriental ug Misamis Occidental.
Una nang gimanduan ni PRO-10 Reg Dir Brigadier General Rafael Santiago Jr ang tanang hepe sa Northern Mindanao nga pasirad-an ang tanang Lotto ug STL outlet.
