CAGAYAN DE ORO CITY-Nangbakwit ang dul-ag 200 ka residente aron dili maipit sa engkuwentro tali sa 10th IB,Philippine Army ug dili matino nga gindaghanon sa rebeldeng New People’s Army o NPA sa Purok 3, Brgy Carmen,Jimenez,Misamis Occidental.
Kini human gigamitan na’g attack helicopters sa militar isip aerial support sa 1st ID,Philippine Army samtang gigukod ang NPA nga nasugat nila samtang naghimo’g combat operation sa lugar.
Miingon si Misamis Occidental Provincial Police Office Director Sr/Supt Jeysen de Guzman nga hinoon walay natala nga samaron o namatay tali sa duha ka panig dihang nahitabo ang pila ka minutos nga engkuwentro.
Giatiman na usab sa local govt unit officials ang 56 ka pamilya nga nagpasilong sa brgy hall sa maong lungsod.
