CAGAYAN DE ORO CITY – Misaka pa sa 1,400 ektarya sa mais ug dul-ag 90 ektarya sa humay ang apektado sa hulaw sa lalawigan sa Misamis Oriental.
Namahayag si Misamis Oriental Provincial Agriculturist Apollo Pacamalan nga gikalipay sa mga mag-uuma sa esting bahin ang pag-ulan sa pipila ka adlaw busa gipangandaman na ang pagtanom ug pag-apud-apud sa mga binhi sa humay, mais ug utanon.
Si Pacamalan miingon nga padayon ang ilang distribusyon sa water pumps sa westeng bahin sa probinsya nga hangtud karon wala pa makasinati sa pag-ulan.
Gitin-aw sa opisyal nga dili pa mahimong ideklarar sa Sanguniang Panlalawigan ubos sa state of calamity ang mga lugar sa Misamis Oriental tungod sa grabeng epekto sa hulaw.
Gitin-aw ni Provincial Agriculturist Apollo Pacamalan nga anaa lamang sa 4 hangtud 5 porsyento ang damyos sa lagutmon base sa ilang labing ilahing data nga nadawat gikan sa ilang municipal agriculturist.
Gitin-aw ni Pacamalan nga mapaubos lang sa state of calamity ang tibook probinsya kung dunay duha ka munisipalidad ang magdeklarar sa state of calamity ug musaka sa 20% ang damyos sa mga lagutmon.
